BE.40 Logu no.153
LAS SITUTU ROHANGKU

Ayat 1
Las be ma rohamuna Na igor roha i
Naung ro do Rajamuna Mamboan tua i
Ndang marpanggortap i Anggo di haroroNa
Alai tuk do gogoNa Padaohon jea i

Ayat 2
Ndang dilului rohana Dison sonangna i
Di surgo habangsaNa HarajaonNa i Ai naeng buni dope
Di tano on sangapNa Dung tulus pe sangkapNa Patar ma i sude

Ayat 3
Hamuna angka raja Oloi ma Raja on
Ai hangoluanmuna Do dipatupa on Ai molo tois hamu
Manjua di hataNa Sai talu do rimasNa Mangago tu hamu

Ayat 4
Hamu angka na sangap Didok portibi on
Ibana do sumangap Di hasiangan on Sai bege hatai
Sai unang ma mandali HataNa nang sahali Tu rohamuna i

Ayat 5
Hamu na marsak roha Di hasiangan on
Dibaen godang ni dosa Na di portibi on Sai hehe ma hamu
Padirgak ulumuna Ai hamoraonmuna Do Jesus i tutu.

Ayat 6
Tibu ma ulahanna Manopot jolma i
Sude hasangaponNa Tarida ma disi Sai borhat ma hamu
Manomu Rajamuna Pagalak sulumuna Ibana ro tibu.
